ലഖ്‌നൗ: ഉത്തര്‍പ്രദേശില്‍ അറസ്റ്റിലായ മലയാളി മാധ്യമപ്രവര്‍ത്തകന്‍ സിദ്ദിഖ് കാപ്പന് നാളെ ജയില്‍മോചിതനാകും. ജാമ്യത്തിനാവശ്യമായ ബോണ്ടുകള്‍ അംഗീകരിച്ച കോടതി റിലീസിംഗ് ഓര്‍ഡര്‍ ലഖ്‌നൗ ജയിലിലേക്ക് അയച്ചതായി റിപ്പോര്‍ട്ടുകള്‍ ചൂണ്ടിക്കാട്ടുന്നു. ഉത്തര്‍പ്രദേശ് പോലീസ് രജിസ്റ്റര്‍ ചെയ്ത യുഎപിഎ കേസില്‍ അലഹബാദ് ഹൈക്കോടതിയും ജാമ്യം നല്‍കിയതോടെയാണ് ജയില്‍ മോചിതനാവുന്നത്.
ഹാഥ്‌റസില്‍ ബലാത്സംഗത്തിനിരയായി ദളിത് പെണ്‍കുട്ടി കൊലചെയ്യപ്പെട്ടത് റിപ്പോര്‍ട്ട് ചെയ്യാന്‍ പോകവെയായിരുന്നു സിദ്ദിഖ് കാപ്പനെ ഉത്തര്‍പ്രദേശ് പോലീസ് കസ്റ്റഡിയിലെടുത്തത്. തുടര്‍ന്ന് യുഎപിഎ ചുമത്തി ജയിലിലടച്ചു. രണ്ടു വര്‍ഷക്കാലം വിചാരണപ്പോലുമില്ലാതെ ജയിലില്‍ കഴിയുകയായിരുന്ന കാപ്പന്.
സെപ്റ്റംബര്‍ ഒന്‍പതിന് യുെപിഎ കേസില്‍ കോടതി ജാമ്യം നല്‍കിയിരുന്നു. ഇഡി കേസില്‍ ജാമ്യം നിഷേധിക്കപ്പെട്ടതിനാല്‍ പുറത്തിറങ്ങാനായില്ല. ഡിസംബര്‍ 23ന് അലഹബാദ് കോടതിയുടെ ലക്‌നൗ ബെഞ്ച് ഇഡി കേസിലും കാപ്പന് ജാമ്യം അനുവദിക്കുകയായിരുന്നു.
