കുന്ദമംഗലം: കാരന്തൂര്‍ ശ്രീ ഹര ഹര മഹാദേവ ക്ഷേത്ര മഹോത്സവം ഏപ്രില്‍ ഒന്നുമുതല്‍ ആറു വരെ വിവിധ പരിപാടികളോടെ ആഘോഷിക്കും. ക്ഷേത്ര മഹോത്സവ ബ്രോഷര്‍ പ്രകാശനം മാതൃഭൂമി ജോയന്റ് മാനേജിങ്ങ് എഡിറ്റര്‍ പി.വി നിധീഷ് നിര്‍വ്വഹിച്ചു.
ക്ഷേത്ര മഹോത്സവ കമ്മിറ്റി ജനറല്‍ കണ്‍വീനര്‍ കെ.കെ സുകുമാരന്‍ സ്വാഗതംപറഞ്ഞ പരിപാടിയില്‍, ചെയര്‍മാന്‍ വി.പി അശോകന്‍ അധ്യക്ഷത വഹിച്ചു. ആദ്യ റസീറ്റ് അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ ചിത്രവാസു ഏറ്റുവാങ്ങി. ഉത്സവ കമ്മിറ്റി രക്ഷാധികാരികളായ മുന്‍ എംഎല്‍എ യു.സി രാമന്‍, ടി.പി സുരേഷ്, വാര്‍ഡ് മെമ്പര്‍ ഷാജി സി.എം തുടങ്ങിയവര്‍ ആശംസകള്‍ നേര്‍ന്നു. സുനില്‍കുമാര്‍ നന്ദി പറഞ്ഞു.
