മംഗളൂറു: നാലു വര്‍ഷം മുമ്പ് മംഗളൂറുവിനടുത്ത സുള്ള്യയില്‍ വാഹനം കവര്‍ച്ച നടത്തിയ കേസിലെ പ്രതിയെ കണ്ണൂരില്‍ നിന്ന് കര്‍ണാടക പൊലീസ് പിടികൂടി. ജട്ടിപ്പള്ള സ്വദേശി അഷ്റഫ് റിസ്വാനെയാണ്(34) പൊലീസ് സുള്ള്യയില്‍ എത്തിച്ച് അറസ്റ്റ് ചെയ്തത്.
കാറും ബൈക്കും കവര്‍ന്ന കേസില്‍ അഷ്റഫ് കഴിഞ്ഞ നാല് വര്‍ഷമായി കോടതിയില്‍ ഹാജരാകാതെ ഒളിവില്‍ കഴിയുകയായിരുന്നു. 2019ല്‍ അറസ്റ്റിലായ അഷ്റഫിനെ കോടതി ജാമ്യത്തില്‍ വിട്ടയച്ചതായിരുന്നു. പിന്നീട് കോടതിയില്‍ ഹാജരാകാതെ അഷ്റഫ് കേരളത്തില്‍ ഒളിവില്‍ കഴിഞ്ഞു. കോടതി നിരവധി തവണ വാറണ്ടുകള്‍ പുറപ്പെടുവിച്ചിരുന്നു.
