ന്യൂഡല്‍ഹി: എയര്‍ ഇന്ത്യ വിമാനം യാത്രാമധ്യേ എന്‍ജിന്‍ തകരാറിനെ തുടര്‍ന്ന് തിരിച്ചിറക്കിയതായി റിപ്പോര്‍ട്ട്. എയര്‍ ഇന്ത്യയുടെ എയര്‍ബസ് എ-320 നിയോ വിമാനമാണ് സാങ്കേതിക തകരാര്‍ കാരണം മുംബൈ വിമാനത്താവളത്തില്‍ ഇറക്കിയത്. വിമാനത്തിന്റെ ഒരു എഞ്ചിന്‍ ആകാശത്ത് വെച്ച് പ്രവര്‍ത്തനരഹിതമായി. ടേക്ക് ഓഫ് ചെയ്ത് 27 മിനിറ്റിന് ശേഷം വിമാനം ലാന്‍ഡ് ചെയ്തതായി അധികൃതര്‍ അറിയിച്ചു.
തുടര്‍ന്ന് മറ്റൊരു വിമാനത്തിലാണ് യാത്രക്കാരെ ബെംഗളൂരുവിലെത്തിച്ചതെന്ന് എയര്‍ ഇന്ത്യ വക്താവ് പറഞ്ഞു. സംഭവത്തെക്കുറിച്ച് ഏവിയേഷന്‍ റെഗുലേറ്റര്‍ ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ അന്വേഷണം നടത്തുന്നുണ്ടെന്നും ഔദ്യോഗിക വൃത്തങ്ങള്‍ വാര്‍ത്താ ഏജന്‍സിയായ പിടിഐയോട് പറഞ്ഞു.
എയര്‍ ഇന്ത്യയുടെ എയര്‍ബസ് എ-320നിയോ വിമാനങ്ങളില്‍ സിഎഫ്എം ഇന്റര്‍നാഷണലിന്റെ ലീപ് എഞ്ചിനുകളാണ് ഉപയോഗിക്കുന്നത്. രാവിലെ 9:43 ന് മുംബൈയിലെ ഛത്രപതി ശിവാജി അന്താരാഷ്ട്ര വിമാനത്താവളത്തില്‍ നിന്ന് വിമാനം പുറപ്പെട്ട് മിനിറ്റുകള്‍ക്ക് ശേഷം പൈലറ്റുമാര്‍ക്ക് എന്‍ജിനില്‍ ഉയര്‍ന്ന എക്‌സ്‌ഹോസ്റ്റ് വാതക താപനിലയെക്കുറിച്ച് മുന്നറിയിപ്പ് ലഭിച്ചു. എന്‍ജിന്‍ ഷട്ട്ഡൗണ്‍ ആയതോടെ വിമാനം 10:10 ന് മുംബൈ വിമാനത്താവളത്തില്‍ തിരിച്ചിറക്കി. എയര്‍ ഇന്ത്യ സുരക്ഷക്ക് മുന്‍തൂക്കം നല്‍കുമെന്നും ജീവനക്കാര്‍ ഈ സാഹചര്യങ്ങള്‍ കൈകാര്യം ചെയ്യുന്നതില്‍ സമര്‍ത്ഥരാണെന്നും എയര്‍ ഇന്ത്യ വക്താവ് പറഞ്ഞു.
Must Read
- Advertisement -
More Articles Like This
- Advertisement -
