യു.ടി.ഖാദർ കോൺഗ്രസ് നിയമസഭകക്ഷി ഉപനേതാവ്

മംഗളൂരു:മുൻ മന്ത്രി യു.ടി.ഖാദറിനെ കോൺഗ്രസ് കർണാടക നിയമസഭ കക്ഷി ഉപനേതാവായി പാർട്ടി അധ്യക്ഷ സോണിയ ഗാന്ധി നിയമിച്ചു.എ.ഐ.സി.സി ജനറൽ സെക്രട്ടറി കെ.സി.വേണുഗോപാൽ എം.പി വാർത്തകുറിപ്പിൽ അറിയിച്ചതാണിത്.ഞായറാഴ്ച നടത്തിയ നിയമനത്തിന് ഉടൻ പ്രാബല്യമുണ്ട്.
മംഗളൂരു മണ്ഡലത്തിൽ നിന്ന് തുടർച്ചയായി നാലാം തവണ നിയമസഭയിൽ എത്തിയ ഖാദർ സിദ്ധാരാമയ്യ മന്ത്രിസഭയിൽ അംഗമായിരുന്നു.
ലെജിസ്ലേറ്റീവ് കൗൺസിൽ കോൺഗ്രസ് പാർട്ടി നേതാവായി തന്നേക്കാൾ ജൂനിയറായ ബി.കെ.ഹരിപ്രസാദിനെ നിയമിച്ചതിൽ പ്രതിഷേധിച്ച് കഴിഞ്ഞ ദിവസം സി.എം.ഇബ്രാഹിം കോൺഗ്രസ് വിട്ട പശ്ചാത്തലത്തിലാണ് ഖാദറിന്റെ നിയമനം.