കുന്ദമംഗലം: കേരള കണ്‍സ്ട്രക്ഷന്‍ വര്‍ക്കേഴ്‌സ് ഫെഡറേഷന്‍ എ ഐ ടി യു സിയുടെ നേതൃത്വത്തില്‍ സെക്രട്ടറിയേറ്റിനു മുന്നില്‍ നടത്തുന്ന നിര്‍മ്മാണ തൊഴിലാളികളുടെ പഞ്ചദിന സത്യാഗ്രഹത്തിന്റെ ഭാഗമായി സംഘടിപ്പിച്ച
വടക്കന്‍ മേഖലാ പ്രക്ഷോഭ ജാഥക്ക് കുന്ദമംഗലത്ത് സ്വീകരണം നല്‍കി.
തദ്ദേശ സ്വയംഭരണ സ്ഥാപനങ്ങളിലൂടെ സെസ്സ് പിരിച്ച് ക്ഷേമനിധി ബോര്‍ഡിനെ നിലനിര്‍ത്തുക തുടങ്ങിയ ആവശ്യങ്ങള്‍ ഉന്നയിച്ചാണ് ജാഥ നടത്തുന്നത്.
കുന്ദമംഗലം പുതിയ സ്റ്റാന്റില്‍ നടന്ന സ്വീകരണത്തില്‍ ജാഥാ ക്യാപ്റ്റന്‍ കെ വി കൃഷ്ണന്‍, സി സുന്ദരന്‍, പി ശ്രീകുമാരന്‍, ജനാര്‍ദ്ധനന്‍ കളരിക്കണ്ടി, ചൂലൂര്‍ നാരായണന്‍, എം ബാലസുബ്രമണ്യം, വി പി ശ്രീനിവാസന്‍, ഇ പി വാസുദേവന്‍, ഗോപാലകൃഷ്ണന്‍ ചാത്തമംഗലം എന്നിവര്‍ പ്രസംഗിച്ചു.
