കോഴിക്കോട്: കിഫ്ബി പദ്ധതിയില്‍ ഉള്‍പ്പെടുത്തി ബേപ്പൂര്‍ മണ്ഡലത്തിലെ തീരദേശ ഹൈ വേ യുടെ രണ്ട് റീച്ചിന്റെ സ്ഥലമെടുക്കുന്നതിന് തുക അനുവദിച്ചതായി പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് അറിയിച്ചു.
കേരള അടിസ്ഥാന സൗകര്യ നിക്ഷേപനിധി ബോര്‍ഡ് (കിഫ്ബി ) യോഗമാണ് പദ്ധതികള്‍ക്ക് അംഗീകാരം നല്‍കിയത്.
മണ്ഡലത്തില്‍ തീരദേശ ഹൈവേ കടലുണ്ടിക്കടവ് മുതല്‍ മഠത്തില്‍ പാടം വരെയുള്ള റോഡിന് സ്ഥലമെടുപ്പിന് 10.1 കോടിയും, ബി സി റോഡ് മുതല്‍ കോതി ബീച്ച് വരെയുള്ള റോഡ് സ്ഥലമെടുപ്പിന് 86.25 കോടി രൂപയുമാണ് അനുവദിച്ചതെന്ന് മന്ത്രി പറഞ്ഞു. തീരദേശ ഹൈവേ ക്കു വേണ്ടി 15.6 മീറ്റര്‍ വീതിയിലാണ് സ്ഥലം ഏറ്റെടുക്കുക.
