കോഴിക്കോട് : മുതിര്‍ന്ന പത്രപ്രവര്‍ത്തകനും ദി ഹിന്ദുവിന്റെ മുന്‍ ഡെപ്യൂട്ടി എഡിറ്ററുമായ ആര്‍. മാധവന്‍നായര്‍ (71) അന്തരിച്ചു. മൂന്നു പതിറ്റാണ്ടുകാലം ദി ഹിന്ദു ദിനപത്രത്തിന്റെ കോഴിക്കോട് ബ്യൂറോ ചീഫും സിറ്റി എഡിറ്ററുമായിരുന്നു.
ഏതാനും മാസം മുമ്പ് കോഴിക്കോട് നിന്ന് കൊച്ചിയിലേക്ക് താമസം മാറ്റിയിരുന്നു. ഹൃദയസ്തംഭനം മൂലമാണ് മരണം. വൃക്കരോഗത്തിന് ചികിത്സയിലായിരുന്നു. ഭാര്യ: സുചേത നായര്‍ (റിട്ട. പി.വി.സി ശങ്കരാചാര്യ സംസ്‌കൃത യൂണിവേഴ്‌സിറ്റി, കാലടി) . മക്കള്‍: അജ്ഞലി നായര്‍, അജ്ഞന നായര്‍.
സ്റ്റേറ്റ്‌സ് മാന്‍ പുരസ്‌ക്കാരം ഉള്‍പ്പെടെ നിരവധി പുരസ്‌കാരങ്ങള്‍ ലഭിച്ചിട്ടുണ്ട്. 1984 മുതല്‍ ദി ഹിന്ദു കോഴിക്കോട് എഡിഷനില്‍ പ്രവര്‍ത്തിച്ചു തുടങ്ങിയിരുന്നു.
