കാസര്‍കോട്: കര്‍ണാടക അതിര്‍ത്തിയിലെ ബെല്‍ത്തങ്ങാടിയില്‍ പിഞ്ചു സഹോദരങ്ങള്‍ പനി ബാധിച്ചതിനെത്തുടര്‍ന്ന് മരിച്ചു.മഡ്ഢഡുക്കയില്‍ അബ്ബാസിന്റെ മക്കളായ സഫാന്‍(എട്ട്),സിനാന്‍ (നാല്) എന്നിവരാണ് മരിച്ചത്.
പനിപിടിച്ച് ബെല്‍ത്തങ്ങാടി ആശുപത്രിയില്‍ പ്രവേശിപ്പിച്ച കുട്ടികളെ നില വഷളായതിനെ ത്തുടര്‍ന്ന് മംഗളൂരു ആശുപത്രിയിലേക്ക് മാറ്റുകയായിരുന്നു.മരുന്നുകളോട് പ്രതികരിക്കാതെ മൂത്ത കുട്ടി രാത്രിയും ഇളയവന്‍ രാവിലേയും മരിച്ചു.
