കോഴിക്കോട്: ആസ്റ്റര്‍ മിംസില്‍ സ്തനാര്‍ബുദ ചികിത്സക്കായി നൂതനകേന്ദ്രം തുടങ്ങുന്നു.സ്തനാര്‍ബുദ ബോധവല്‍ക്കരണ മാസമായ പിങ്ക് ഒക്ടോബറിന്റെ ഭാഗമായി 18ന് മുന്‍ മന്ത്രി കെ.കെ ശൈലജ ഉദ്ഘാടനം ചെയ്യും. നൂതനമായ ത്രിഡി ഡിജിറ്റല്‍ മാമോഗ്രാം ഉള്‍പ്പെടെയുള്ള സൗകര്യങ്ങള്‍ ഇവിടെയുണ്ടാകും.
ശസ്ത്രക്രിയാ സംവിധാനങ്ങളും സ്തന പുനര്‍നിര്‍മാണ ഉപാധികളും സ്തനം നിലനിര്‍ത്തിക്കൊണ്ടുള്ള ഓങ്കോ-പ്ലാസ്റ്റിക് പ്രോസീജര്‍ എന്നിവയും ഒരുക്കും. ഉദ്ഘാടനത്തോടനുബന്ധിച്ച് 100 പേര്‍ക്ക് സൗജന്യമായി സ്തനാര്‍ബുദ പരിശോധന നടത്തും. ബന്ധപ്പെടേണ്ട നമ്പര്‍: 7594067000.
