മംഗളൂരു: വാമഞ്ചൂര്‍ ജങ്ഷനില്‍ സ്ഥാപിച്ച മംഗളൂരു ശാരദോത്സവ ഫ്ളക്സ് ബോര്‍ഡ് കീറി സംഘര്‍ഷത്തിന് ശ്രമം നടത്തിയ മൂന്നുപേരെ പൊലീസ് അറസ്റ്റ് ചെയ്തു. സുമിത് ഹെഗ്‌ഡെ(32),യതീഷ് പൂജാരി(28), പ്രവീണ്‍ പൂജാരി(30) എന്നിവരെയാണ് മംഗളൂറു റൂറല്‍ പൊലീസ് അറസ്റ്റ് ചെയ്തത്.
പ്രതികള്‍ ഉപയോഗിച്ച സ്വിഫ്റ്റ് കാറും പൊലീസ് പിടിച്ചെടുത്തിട്ടുണ്ട്.
ഈ മാസം എട്ടിനാണ് സംഭവം. സാമുദായിക സൗഹാര്‍ദ്ദം തകര്‍ക്കാന്‍ ശ്രമിച്ചതിന് മംഗളൂരു റൂറല്‍ പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തിരുന്നു.
