കോഴിക്കോട്: അംബേദ്കര്‍ ഗ്രാമ വികസന പദ്ധതിയുടെ ഭാഗമായി മണിയൂര്‍ ഗ്രാമപഞ്ചായത്തിലെ മൂഴിക്കല്‍ പട്ടികജാതി കോളനി നവീകരണത്തിന് 50 ലക്ഷം രൂപയുടെ എസ്റ്റിമേറ്റിന് സര്‍ക്കാര്‍ അനുമതി നല്‍കിയതായി കെ പി കുഞ്ഞമ്മദ്കുട്ടി മാസ്റ്റര്‍ എം എല്‍ എ അറിയിച്ചു.
അടങ്കല്‍ തുകയില്‍ അധികരിക്കാതെ കോളനിയിലെ വിവിധ വീടുകളുടെ പുനരുദ്ധാരണവും നടപ്പാതയും കമ്മ്യൂണിറ്റി ഹാളിന്റെ വൈദ്യുതീകരണവും എസ്റ്റിമേറ്റില്‍ ഉള്‍പ്പെടുത്തിയിട്ടുണ്ട്.
ജില്ലാ നിര്‍മ്മിതി കേന്ദ്രത്തിനാണ് പ്രവൃത്തിയുടെ നിര്‍മ്മാണച്ചുമതല. ആറുമാസത്തിനകം പ്രവൃത്തി പൂര്‍ത്തിയാക്കണമെന്നാണ് കരാര്‍.
