തിരുവനന്തപുരം: നടി രശ്മി ഗോപാല്‍ അന്തരിച്ചു.51 വയസായിരുന്നു. രണ്ട് ദിവസം മുന്‍പ് ബന്ധുവിനെ കാണാന്‍ പോയ രശ്മിയ്ക്ക് ദേഹാസ്വാസ്ഥ്യം അനുഭവപ്പെട്ടു. തുടര്‍ന്ന് ആശുപത്രിയില്‍ ചികിത്സയിലിരിക്കെ ഞായറാഴ്ച വൈകിയാണ് അന്ത്യം സംഭവിച്ചത്.
ബംഗളൂരുവില്‍ ജനിച്ചുവളര്‍ന്ന രശ്മി പരസ്യ ചിത്രങ്ങളിലൂടെയാണ് അഭിനയരംഗത്തെത്തിയത്. ‘സ്വന്തം സുജാത’ സീരിയലിലെ സാറാമ്മ എന്ന കഥാപാത്രത്തിലൂടെ കുടുംബപ്രേക്ഷകരുടെ പ്രിയങ്കരിയായി മാറി. ധാരാളം സീരിയലുകളില്‍ മികച്ച വേഷം ചെയ്തു. ഇതിനുപുറമെ തമിഴ്, മലയാളം സിനിമകളിലും അഭിനയിച്ചിട്ടുണ്ട്.
ജയഗോപാലാണ് ഭര്‍ത്താവ്. മകന്‍ പ്രശാന്ത് കേശവ്. രശ്മിയുടെ വിയോഗത്തില്‍ സീരിയല്‍സിനിമ താരങ്ങളായ കിഷോര്‍ സത്യ, ചന്ദ്ര ലക്ഷ്മണ്‍ എന്നിവര്‍ അനുശോചിച്ചു.
