വ്യോമയാന സുരക്ഷാ തലവൻ മംഗളൂരു രാജ്യാന്തര വിമാനത്താവളം സന്ദർശിച്ചു കാർഗോയിൽ ശ്രദ്ധയൂന്നാൻ നിർദേശം

മംഗളൂരു:സിവിൽ ഏവിയേഷൻ സെക്യൂരിറ്റി ബ്യൂറോ ഡയറക്ടർ ജനറൽ ജയ്ദീപ് പ്രസാദ് മംഗളൂരു രാജ്യാന്തര വിമാനത്താവളം സന്ദർശിച്ച് സുരക്ഷാസംവിധാനങ്ങൾ പരിശോധിച്ചു. മംഗളൂരു സിറ്റി പോലീസ് കമ്മീഷണർ എൻ.ശശികുമാർ കൂടി പങ്കെടുത്ത വിമാനത്താവളം സുരക്ഷാ ഉദ്യോഗസ്ഥരുടെ യോഗത്തിൽ അദ്ദേഹം നിർദേശങ്ങൾ നൽകി.കാർഗോ സർവ്വീസിൽ ശ്രദ്ധയൂന്നാനാണ് ഡയറക്ടർ ജനറലിന്റെ മുഖ്യ നിർദേശം.
ബ്യൂറോ ജോയിന്റ് ഡയറക്ടർ രാജീവ് കുമാർ റൈ(ബംഗളൂരു), വിമാനത്താവളം ചീഫ് ഓഫീസർ നിരവ് ഷാ, സി.ഐ.എസ്.എഫ് ഡെപ്യൂട്ടി കമാണ്ടന്റ്
കൃഷ്ണ പ്രകാശ്, മംഗളൂരു വിമാനത്താവളം സുരക്ഷാ മേധാവി കെ.ജി.മൊനേഷ് പങ്കെടുത്തു.