കോഴിക്കോട് : മയക്കുമരുന്ന് വിരുദ്ധ ദിനാചരണത്തിന്റെ ഭാഗമായി ലയോള സ്‌കൂളില്‍ വിപുലമായ പരിപാടികള്‍ നടത്തി. എക്സൈസ് വകുപ്പിന്റെ വിമുക്തി കൗണ്‍സലിങ്ങ് കേന്ദ്രത്തിലെ ജിജി രാമചന്ദ്രന്‍ രക്ഷിതാക്കള്‍ക്കായി ക്‌ളാസെടുത്തു.
സിവില്‍ എക്സൈസ് ഓഫീസര്‍ നിഖില്‍ കിഴക്കയില്‍ , വൈസ് പ്രിന്‍സിപ്പാള്‍ ഫാ. ടി.വി. ജോര്‍ജ് , നിഷ സുജേഷ്, എം.കെ. ഇന്ദു, സംഗീത ബിജോയ് എന്നിവര്‍ സംസാരിച്ചു. പ്രത്യേക സ്‌കൂള്‍ അസംബ്‌ളി, ചിത്രരചനാ മത്സരം, പോസ്റ്റര്‍ മേക്കിങ്ങ് മത്സരം, മയക്കുമരുന്ന് വിരുദ്ധ സന്ദേശങ്ങള്‍ എഴുതി പ്‌ളക്കാര്‍ഡുമായി വിദ്യാര്‍ത്ഥികളുടെ റാലി , കൊളാഷ് നിര്‍മ്മാണം എന്നിവ നടന്നു.
അധ്യാപകരായ പി.ഡി.ദിവ്യ, ലിന്‍ഡ ഡേവിസ്, സൗമ്യ അബ്രഹാം, അനില പുരുഷോത്തമന്‍ , ഷിജി കുറുപ്പ്, സജിനി അന്നത്ത് എന്നിവര്‍ നേതൃത്വം നല്‍കി.
