ബേപ്പൂര്‍: ഭാര്യയുടെ വീട്ടില്‍ കയറി ഭാര്യാപിതാവിനെ മര്‍ദ്ദിച്ച് കൊലപ്പെടുത്താന്‍ ശ്രമിച്ചെന്ന പരാതിയില്‍ യുവാവിനെ ബേപ്പൂര്‍ ഇന്‍സ്പക്ടര്‍ വി. സിജിത്ത് അറസ്റ്റ് ചെയ്തു. ബേപ്പൂര്‍ ഒക്രതാളി ക്ഷേത്രത്തിനടുത്ത് കൊങ്ങാല്‍രത് ഹൗസില്‍ ഗോപാലന്റെ മകന്‍ കെ. അജിത് കുമാറിനെയാണ് (41) പിടികൂടിയത്.
ഭാര്യ ഇയാള്‍ക്കെതിരെ കുടുംബ കോടതിയില്‍ പരാതി നല്‍കിയതിന്റെ വൈരാഗ്യത്തില്‍ ഈ മാസം 13 ന് സന്ധ്യയ്ക്ക് വീട്ടില്‍ കയറി തന്നെ വലിച്ചിഴച്ച് മര്‍ദ്ദിച്ചതായും , നാഭിയ്ക്ക് തൊഴിച്ചതായും , പട്ടിക കൊണ്ട് അടിച്ചതായും ആണ് ഭാര്യാ പിതാവിന്റെ പരാതി.
എസ് ഐ ശുഹൈബ് , സിവില്‍ പോലിസ് ഓഫീസര്‍മാരായ നിതിന്‍രാജ്, ജിതേഷ്, മഹേഷ് എന്നിവരും പ്രതിയെ പിടികൂടിയ സംഘത്തില്‍ ഉണ്ടായിരുന്നു. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.
