കോഴിക്കോട് :ചക്കിട്ടപാറ പഞ്ചായത്തിലെ പട്ടിക ജാതി കുടുംബങ്ങള്‍ക്ക് കട്ടില്‍ വിതരണം ചെയ്തു. പഞ്ചായത്തിന്റെ 2022 – 23 വാര്‍ഷിക പദ്ധതിയില്‍ ഉള്‍പ്പെടുത്തിയാണ് കട്ടില്‍ വിതരണം ചെയ്യുന്നത്. ആദ്യ ഘട്ടമായി വയോജനങ്ങളുള്ള എഴുപത് കുടുംബങ്ങള്‍ക്കാണ് കട്ടില്‍ നല്‍കുന്നത്.
പഞ്ചായത്ത് പ്രസിഡന്റ് കെ.സുനില്‍ വിതരണോദ്ഘാടനം നിര്‍വഹിച്ചു. വികസന കാര്യ സ്റ്റാന്റിങ് കമ്മിറ്റി ചെയര്‍മാന്‍ സി.കെ ശശി അധ്യക്ഷത വഹിച്ചു. സ്ഥിരം സമിതി അധ്യക്ഷ ഇ.എം ശ്രീജിത്ത്, ബിന്ദു വത്സന്‍, പഞ്ചായത്തംഗങ്ങളായ ബിന്ദു സജി, ജിതേഷ് മുതുകാട്, വിനിഷ ദിനേശന്‍ എന്നിവര്‍ പങ്കെടുത്തു.
