പേരാമ്പ്ര: എസ്.എസ്.എല്‍.സി. ഐ.ടി. പ്രാക്ടിക്കല്‍ പരീക്ഷയ്ക്കിടെ വിദ്യാര്‍ഥിനികളെ ലൈംഗിക ഉദ്ദേശ്യത്തോടെ സ്പര്‍ശിച്ചുവെന്ന പരാതിയില്‍ ഡ്യൂട്ടിക്കുണ്ടായിരുന്ന മറ്റൊരു സ്‌കൂളിലെ അധ്യാപകന്‍ അറസ്റ്റില്‍. അവിടനെല്ലൂര്‍ രവീന്ദ്രനിവാസില്‍ പ്രമോദിനെയാണ് (44) പോക്സോ കേസില്‍ പേരാമ്പ്ര പോലീസ് അറസ്റ്റ് ചെയ്തത്. കോഴിക്കോട് പോക്സോ കോടതി റിമാന്‍ഡ് ചെയ്തു.
പരീക്ഷയ്ക്ക് കംപ്യൂട്ടര്‍ ഉപയോഗിക്കുന്നതിനിടെ ലൈംഗിക ഉദ്ദേശ്യത്തോടെ സ്പര്‍ശിച്ചുവെന്നാണ് പരാതിയെന്ന് പോലീസ് പറഞ്ഞു. മൂന്ന് വിദ്യാര്‍ഥിനികളുടെ പരാതിയിലാണ് കേസെടുത്തത്. മേയ് അഞ്ചിനായിരുന്നു പ്രാക്ടിക്കല്‍ പരീക്ഷ. ഇതിനുശേഷം വിദ്യാര്‍ഥിനികള്‍ സംസാരിച്ചപ്പോഴാണ് അധ്യാപകന്റെ അസ്വാഭാവികമായ പെരുമാറ്റത്തെപ്പറ്റി പരാമര്‍ശമുണ്ടായത്. മറ്റുള്ളവര്‍ക്കും സമാനമായ അനുഭവമുണ്ടായെന്ന് മനസ്സിലായപ്പോള്‍ പരാതി നല്‍കുകയായിരുന്നു.
Must Read
- Advertisement -
More Articles Like This
- Advertisement -
