ടെഹ്റാന്‍: തെക്കന്‍ ഇറാനില്‍ ശനിയാഴ്ച പുലര്‍ച്ചെയുണ്ടായ ശക്തമായ ഭൂചലനത്തില്‍ അഞ്ച് പേര്‍ മരിച്ചു. 19 പേര്‍ക്ക് പരിക്കേറ്റു. റിക്ടര്‍സ്‌കെയിലില്‍ 6.0 രേഖപ്പെടുത്തിയ ശക്തമായ ഭൂചലനമാണ് അനുഭവപ്പെട്ടത്. ഭൂകമ്പത്തിന്റെ പ്രകമ്പനം ഗള്‍ഫ് രാജ്യങ്ങളിലും അനുഭവപ്പെട്ടു.
ഹോര്‍മോസ്ഗന്‍ പ്രവിശ്യയിലെ തുറമുഖ നഗരമായ ബന്ദര്‍ അബ്ബാസിന് 100 കിലോമീറ്റര്‍ തെക്കുപടിഞ്ഞാറായാണ് ഭൂചലനത്തിന്റെ പ്രഭവകേന്ദ്രം. സയേ ഖോസ്റ്റ് ഗ്രാമത്തിലാണ് കൂടുതല്‍ നാശനഷ്ടങ്ങളുണ്ടായത്. ഹോര്‍മോസ്ഗന്‍ പ്രവിശ്യയില്‍ കഴിഞ്ഞ നവംബറിലും ഭൂകമ്പം ഉണ്ടായിരുന്നു.
