സ്വര്‍ണവില ഈ വര്‍ഷത്തെ കുറഞ്ഞ നിരക്കില്‍

തിരുവനന്തപുരം: സംസ്ഥാനത്ത് സ്വര്‍ണവില വീണ്ടും കുറഞ്ഞു. ഗ്രാമിന് 40 രൂപയും പവന് 320 രൂപയുമാണ് കുറഞ്ഞത്. 4600 രൂപയാണ് ഒരു ഗ്രാം സ്വര്‍ണത്തിന്റെ വില.പവന്റെ വില 36800 രൂപയായും കുറഞ്ഞു.2021 ആഗസ്റ്റിന് ശേഷമുള്ള ഏറ്റവും കുറഞ്ഞ നിരക്കാണിത്.
അതേസമയം, ആഗോളവിപണിയില്‍ സ്വര്‍ണവില ഒരു വര്‍ഷത്തിനിടയിലെ കുറഞ്ഞ നിരക്കില്‍ എത്തി. വിവിധ കേന്ദ്രബാങ്കുകള്‍ പലിശനിരക്ക് ഉയര്‍ത്താനുള്ള സാധ്യതയാണ് സ്വര്‍ണവിലയെ സ്വാധീനിക്കുന്നത്. സ്പോട്ട് ഗോള്‍ഡിന്റെ വില 1,691.40 ഡോളറിലേക്ക് താഴ്ന്നു.