തിരുവനന്തപുരം: സംസ്ഥാനത്ത് നാല് ജില്ലകളില് റെഡ് അലര്ട്ട് പ്രഖ്യാപിച്ചു. മൂന്നു ജില്ലകല് ഓറഞ്ച് അലര്ട്ടും മറ്റ് ജില്ലകളില് യെല്ലോ അലര്ട്ടും പ്രഖ്യാപിച്ചു.കണ്ണൂര്, കാസര്ഗോഡ്, വയനാട്, കോഴിക്കോട് ജില്ലകളിലാണ് റെഡ് അലര്ട്ട്. തൃശൂര്, മലപ്പുറം, പാലക്കാട് ജില്ലകളില് ഓറഞ്ച് അലര്ട്ടും പ്രഖ്യാപിച്ചു. ദുരന്താ സാധ്യത മേഖലകളുടെ പട്ടിക തയ്യാറാക്കാന് തദ്ദേശ സ്ഥാപനങ്ങള്ക്ക് മുഖ്യമ്രന്തി നിര്ദേശം നല്കി.
സംസ്ഥാനത്ത് ഞായറാഴ്ച വരെ ശക്തമായ മഴ ലഭിക്കുമെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. ഇന്ന് സംസ്ഥാനത്ത് എല്ലായിടത്തും മഴ മുന്നറിയിപ്പ് ഉണ്ട്.നാളെയും വടക്കന് കേരളത്തില് തീവ്ര മഴ ലഭിക്കുമെന്നാണ് കാലാവസ്ഥ വകുപ്പിന്റെ കണക്കുകൂട്ടല്. കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. പാലക്കാട്, മലപ്പുറം, കോഴിക്കോട്, വയനാട്, തിരുവനന്തപുരം, കൊല്ലം ജില്ലകളിലും മഴ മുന്നറിയിപ്പ് ഉണ്ട്.അറബിക്കടലിനും കേരളത്തിന് മുകളിലുമായി നിലനില്ക്കുന്ന ചക്രവാതച്ചുഴിയാണ് ശക്തമായ മഴയ്ക്ക് കാരണം. കേരളം മുതല് വിദര്ഭ വരെ നിലനില്ക്കുന്ന ന്യുനമര്ദ്ദ പാത്തിയും ശക്തമായ പടിഞ്ഞാറന് കാറ്റും മഴയുടെ ശക്തി കൂട്ടും. അതിശക്തമായ മഴ അടുത്ത രണ്ടു ദിവസം കൂടി തുടരുമെന്നും കാലാവസ്ഥ വകുപ്പ് അറിയിച്ചു.
Must Read
- Advertisement -
More Articles Like This
- Advertisement -
