കോഴിക്കോട്: വിദ്യാര്ഥികള്ക്കും പരീക്ഷ ഡ്യൂട്ടിയുള്ള അധ്യാപകര്ക്കും ജുമുഅ നമസ്ക്കാരത്തില് പങ്കെടുക്കാന് കഴിയാത്തതിനാല് വെള്ളിയാഴ്ച്ചകളില് പ്ലസ് വണ് പരീക്ഷ നടത്തുന്നത് ഒഴിവാക്കണമെന്ന് കേരള സ്കൂള് ടീച്ചേഴ്സ് മൂവ്മെന്റ് സംസ്ഥാന കമ്മിറ്റി ആവശ്യപ്പെട്ടു. മുമ്പ് വെള്ളിയാഴ്ച്ചകളില് പരീക്ഷ ഒഴിവാക്കിയിരുന്നു. കോവിഡ് കാലത്ത് വെള്ളിയാഴ്ച്ച പരീക്ഷ നടത്തിയിരുന്നെങ്കിലും അന്ന് ജുമുഅ ഇല്ലാതിരുന്നതിനാല് അത് ബാധിച്ചിരുന്നില്ല. കോവിഡിന് ശേഷവും ഇതേ രീതിയില് പരീക്ഷ നടത്തുന്നത് വിശ്വാസ സ്വാതന്ത്ര്യത്തിന് മേലുള്ള കടന്നുകയറ്റമാണെന്നും പ്രസ്താവനയില് ആരോപിച്ചു.



