ന്യൂഡല്ഹി:ആഗോള കോടീശ്വര പട്ടികയില് ഒന്നാം സ്ഥാനം ലക്ഷ്യമിട്ട് ഗൗതം അദാനി. 12.37 ലക്ഷം കോടി(155.5 ബില്യണ് ഡോളര്) രൂപയുടെ ആസ്തിയുമായി ജെഫ് ബെസോസിനെ പിന്നിലാക്കി അദ്ദേഹം രണ്ടാംസ്ഥാനത്തെത്തിക്കഴിഞ്ഞു.
രണ്ടു മാസത്തിനിടെ രണ്ടുപേരെ പിന്നിലാക്കിയാണ് അദാനിയുടെ മുന്നേറ്റം. ബെര്നാഡ് അര്നോള്ട്ടിനെ പിന്നിലാക്കി മൂന്നാം സ്ഥാനത്തെത്തിയത് കഴിഞ്ഞ മാസമാണ്. ആമസോണ് മേധാവി ജെഫ് ബെസോസിനെ ഇപ്പോഴും.
ഫോബ്സ് മാഗസിന്റെ ശതകോടീശ്വര പട്ടികയില് ലോക കോടീശ്വരന്മാരില് ഒന്നാമന് സ്പേസ് എക്സ് സ്ഥാപകന് ഇലോണ് മസ്കാണ്. അര്നോള്ട്ട് ഇപ്പോള് മൂന്നാം സ്ഥാനത്തും ബെസോസ് നാലാം സ്ഥാനത്തുമാണ്.
92.2 ബില്യണ് ആസ്തിയുമായി റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനി പട്ടികയില് എട്ടാം സ്ഥാനത്താണ്. ബില് ഗേറ്റ്സ്, ലാറി എലിസണ്, വാറന് ബഫറ്റ്, ലാറി പേജ്, സെര്ജി ബ്രിന് എന്നിവരാണ് ആദ്യ പത്തില് ഉള്പ്പെട്ട മറ്റ് ശതകോടീശ്വരന്മാര്.
