ബേക്കല്‍ കോട്ടയും തുംബെ അണക്കെട്ടും മൂവര്‍ണ്ണ ശോഭയില്‍

കാസര്‍കോട്/മംഗളൂരു:ചരിത്ര സ്മാരകമായ കാസര്‍കോട് ബേക്കല്‍ കോട്ട ആസാദി കാ അമൃത് ആഘോഷപ്പൊലിമയില്‍ വൈദ്യത ദീപാലംകൃതമായി.വെള്ളിയാഴ്ച സായാഹ്നത്തില്‍ മൂവര്‍ണ്ണ ശോഭയില്‍ തിളങ്ങിയ കോട്ട പുലരും വരെ നയനമോഹന ദൃശ്യമായി.ആഘോഷം അവസാനിക്കും വരെ തുടര്‍ദിനങ്ങളിലും വര്‍ണ്ണക്കാഴ്ച തുടരും.
മംഗളൂരു തുംബെ അണക്കെട്ട് ത്രിവര്‍ണ്ണ നിയോണ്‍ വെളിച്ചത്തില്‍ കുളിച്ചു നില്‍ക്കുന്നു.മംഗളൂറു കോര്‍പ്പേറഷനാണ് നഗരത്തിന്റെ വ്യവസായ, കുടിവെള്ള സ്രോതസ്സായ അണക്കെട്ട് അലങ്കരിച്ചത്.വൈകുന്നേരം ആറ് മുതല്‍ രാത്രി ഒമ്പത് വരെയാണ് ദീപങ്ങള്‍ തെളിയുക.