ഗാന്ധിയും ഗോഡ്സെയും ഒരേ പോസ്റ്ററില്‍

ബംഗളൂരു: മഹാത്മാ ഗാന്ധിയേയും ഗാന്ധി ഘാതകന്‍ നാഥുറാം ഗോഡ്സെയേയും ഒരേ പോസ്റ്ററില്‍ ഉള്‍പ്പെടുത്തി കര്‍ണാടകയിലെ ഹിന്ദുത്വ സംഘടന. ഭഗത് സിങ് യൂത്ത് അസോസിയേഷന്‍ തുംകൂര്‍ ജില്ലാ കമ്മിറ്റിയാണ് മധുഗിരിയില്‍ ഫല്‍്സ് സ്ഥാപിച്ചത്. ഗാന്ധിജി, ഭഗത് സിങ്, സുഭാഷ് ചന്ദ്രബോസ് തുടങ്ങി സ്വാതന്ത്ര്യ സമര സേനാനികള്‍ക്കൊപ്പമാണ് ഗോഡ്സെയെയും സ്ഥാപിച്ചിരിക്കുന്നത്.
ചിത്രം സോഷ്യല്‍ മീഡിയയില്‍ വൈറലായതോടെ പ്രതിഷേധവും ഉയര്‍ന്നു. പിന്നാലെ പൊലിസ് പോസ്റ്റര്‍ നീക്കം ചെയ്തു. ബ്രിട്ടീഷുകാരോട് മാപ്പ് പറഞ്ഞ് ജയില്‍ മോചിതനായ ഹിന്ദുത്വ നേതാവ് സവര്‍ക്കറെ സ്വാതന്ത്ര്യ സമര നായകനാക്കി ഉയര്‍ത്തിക്കാട്ടിയത് നേരത്തെ വിവാദമായിരുന്നു. കഴിഞ്ഞ ദിവസം ഹിന്ദു മഹാസഭ ഉത്തര്‍പ്രദേശില്‍ നടത്തിയ സ്വാതന്ത്ര്യ ദിന റാലിയിലും ഗോഡ്സെയുടെ ചിത്രം ഉള്‍പ്പെടുത്തിയിരുന്നു.