കാസർകോട്: ടൗണിൽ പുതിയ ബസ്സ്റ്റാൻഡ് പരിസരത്ത് ഞായറാഴ്ച വൈകുന്നേരം നാലു മണിയോടെയുണ്ടായ വാഹന അപകടത്തിൽ ബൈക്ക് യാത്രികൻ മരിച്ചു.കാസർക്കോട് നുള്ളിപ്പാടിയിലെ അബ്ദുൽ മജീദാണ്(42) അപകടത്തിൽ പെട്ടത്.
ഇദ്ദേഹം സഞ്ചരിച്ച ബൈക്കിൽ പാചകവാതക ടാങ്കർ ഇടിക്കുകയായിരുന്നു.ഉടൻ തൊട്ടടുത്ത ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ടാങ്കർ ഡ്രൈവറെ പോലീസ് അറസ്റ്റ് ചെയ്തു.
പരേതനായ നെക്കര അബ്ദുല്ല – നഫീസ ദമ്പതികളുടെ മകനാണ് അബ്ദുൽ മജീദ്.
ഭാര്യ: ഫാത്വിമ മുണ്ട്യത്തടുക്ക. മക്കൾ: മസ്ഊദ്, ഫാഹിം, അമീൻ, ആമിന.
