കുന്ദമംഗലം: കാരന്തൂര് എ.എം.എല്.പി സ്കൂളിന് വേണ്ടി പുതുതായി നിര്മ്മിച്ച പാചകപ്പുരയുടെ ഉദ്ഘാടനം പി.ടി.എ റഹീം എം.എല്.എ നിര്വ്വഹിച്ചു. എം.എല്.എയുടെ മണ്ഡലം ആസ്തി വികസന പദ്ധതിയില് ഉള്പ്പെടുത്തി അനുവദിച്ച 10 ലക്ഷം രൂപ ചെലവിലാണ് പുതിയ കെട്ടിടം നിര്മ്മിച്ചിട്ടുള്ളത്.
സ്കൂള് മാനേജര് എം. ബീരാന് ഹാജി അധ്യക്ഷത വഹിച്ചു. കുന്ദമംഗലം ഗ്രാമപഞ്ചായത്ത് പ്രസിഡണ്ട് ലിജി പുല്ക്കുന്നുമ്മല് മുഖ്യാതിഥിയായി. ഗ്രാമപഞ്ചായത്ത് വിദ്യാഭ്യാസ സ്ഥിരം സമിതി അധ്യക്ഷന് ചന്ദ്രന് തിരുവലത്ത്, മെമ്പര് ഷൈജ വളപ്പില്, എ.ഇ.ഒ കെ.ജെ പോള്, പൂര്വ്വ വിദ്യാര്ത്ഥി സംഘടന പ്രസിഡണ്ട് മുഹമ്മദ് എടക്കോത്ത്, പി അഷ്റഫ് ഹാജി, പ്രൊഫ. പി കോയ സംസാരിച്ചു. പി.ടി.എ പ്രസിഡണ്ട് സിദ്ദിഖ് തെക്കയില് സ്വാഗതവും ഹെഡ്മാസ്റ്റര് കെ ബഷീര് നന്ദിയും പറഞ്ഞു.
