കാസര്കോട്: നിരവധി കവര്ച്ചാക്കേസുകളില് പ്രതിയായ കുപ്രസിദ്ധ മോഷ്ടാവ് ബദിയടുക്ക പഞ്ചിക്കല്ലിലെ ഉക്കാസ് ബഷീര് എന്ന കെ.ബഷീറിനെ(55) പൊലീസ് അറസ്റ്റ് ചെയ്തു. ജില്ലാ പൊലീസ് മേധാവി വൈഭവ് സക്സേനയുടെ നേതൃത്വത്തില് നടക്കുന്ന ക്ലീന് കാസര്കോട് ഓപ്പറേഷന്റെ ഭാഗമായി ബേക്കല് ഡി.വൈ.എസ്.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് ബഷീറിനെ പിടികൂടിയത്.
ജില്ലയിലെ വിവിധ പൊലീസ് സ്റ്റേഷനുകളിലായി ഇരുപതിലേറെ കവര്ച്ചാക്കേസുകളില് പ്രതിയാണ് ഉക്കാസ് ബഷീര്. ബേക്കല് സി.ഐ യു.പി വിപിന്റെ നേതൃത്വത്തിലാണ് പ്രതിയെ അറസ്റ്റ് ചെയതത്.
